Kennsla í sænsku fyrir innflytjendur með atvinnu

Stjórnin á Álandseyjum hefur gert þriggja ára samning við símenntunarmiðstöðina í Maríuhöfn um kaup á kennslu í sænsku fyrir innflytjendur sem eru í vinnu.

Með samningnum skuldbindur símenntunarmiðstöðin sig til þess að skipuleggja námskeið í samstarfi við vinnuveitendur/fyrirtæki sem hafa starfsfólk af erlendu bergi brotnu og þarf að læra sænsku.

Markmiðið er að styrkja vinnuveitendur með erlenda starfskrafta og að stuðla að velgengni þeirra í starfi með kennslu í sænsku á vinnustað og hafa áhrif á samheldnina á vinnustaðnum og viðhorf til fjölmenningar. 

Skipuleggja á sveigjanlega kennslu byggða á þörfum hvers einstaklings í samráði við vinnuveitandann. Kennslan á að hluta til að fara fram í vinnutímanum og að hluta til í frítíma starfsmannsins. Markmiðið er að kenna grundvallaratriði sænsku og þess fagmáls sem þörf er fyrir á vinnustöðunum.