Ný fjárlög – sparnaður á sviði menntunar og aukning til m.a. heilbrigði og lögreglu

Í tengslum við samningu fjárlaga ársins 2016 á milli ríkisstjórnarinnar, Danska þjóðarflokksins, Samtaka frjálshyggju og Íhaldsflokksins verða aðflutningsgjöld á bílum lækkuð, nafnverð lóðagjalda verða fryst 2016, og það á að efla heilbrigðisþjónustuna, leggja tryggari grunn að öldrunarþjónustu, lækka skatta íbúðaeigenda og hækka framlög til lögreglunnar.
Til þess að fjármagna ótal nýjar aðgerðir hefur ríkisstjórnin meðal annars skorið niður framlög til bæði menntunar og rannsókna. Framlög til allra stiga menntunar verða skorin niður um 2 % á árinu því samkvæmt frumvarpinu á að lækka framlög um 8,7 milljarða danskra króna til og með 2019. Niðurskurðurinn hefur í för með sér að framlög til háskóla lækka um 1,8 milljarð danskra króna og að framlög til styttri og meðallangrar menntunar háskóla lækka um 1,5 milljarð króna. Niðurskurður til starfsmenntaskóla á framhaldsskólastigi nemur 1,6 milljarði danskra kr. á ári fram til 2019 og til menntaskóla 2,4 miljörðum kr. til 2019. Frá upphafi ársins 2016 hefst innleiðing á sérstaklega lágum taxta fyrir fjarkennslu. Þar að auki verða framlög til kennslu lesblindra skorin niður og framlög til viðhalds og bygginga verða skorin niður frá og með árinu 2017.
Á háskólastiginu á að lækka bæði framlög til kennslu og rannsókna. Fyrir utan niðurskurð upp á 2 % á ári er lagt til að skera einnig niður framlög til frjálsra rannsókna og nýsköpunar.  Að teknu tilliti til áætlana um úrbætur og reglna um lágmarksfjölda á námsbrautum gera margir háskólar ráð fyrir uppsögnum og að leggja niður námsbrautir. Sem afleiðingu má nefna að Rannsóknasjóður hefur afturkallað auglýsingu á ferðastyrkjum og styrkja til ný-doktora og sjóðurinn  mun heldur ekki veita fjármagn til fyrirmyndarannsókna undir svokallaðri Sapere Aude áætlun árið 2016.

Meira: