Nýir styrkir fyrir atvinnuleitendur með litla formlega menntun

Sænska ríkisstjórnin hefur lagt fram tillögur um nýja námsstyrki til þess að virkja fólk.

Markmiðið er að hvetja atvinnuleitendur til þess að hefja nám og þannig auka tækifæri þeirra til þess að komast út á vinnumarkaðinn. Tillögur um nýja námstyrki fyrir fólk á aldrinum 25 til 56 ára sem er án atvinnu. Námið getur verið bæði á grunn- og framhaldsskólastigi. Lagt er til að styrkurinn verði sem svarar 9.100 sænskum krónum á mánuði. Þeir sem eiga börn eigi rétt á viðbótarframlagi. Lagt er til að sveitarfélögin ákveði hverjir hafa þörf fyrir menntun og eiga þar með rétt á styrkjum. Hefja skal veitingu styrkja 1. júlí 2017. Tillögurnar hafa verið sendar út til umsagnar.

Meira