Þróa þarf kennslu í grænlensku sem öðru máli og erlendu

Til þess að gera þeim hluta íbúanna sem ekki hafa vald á grænlensku kleift að ná tökum á tungumálinu hefur Inatsisartut, Landsþingið á Grænlandi, óskað eftir að heimastjórnin, Naalakkersuisut móti stefnu og geri framkvæmdaáætlun. Sérstakri nefnd hefur verið falið verkefnið.

Á Grænlandi er sjálfseignarstofnun – Tungumálamiðstöðin í Sisimiut sem heldur tungumálanámskeið, aðallega í grænlensku, dönsku og ensku. En hjá stofnuninni er ekki til neitt kerfi til þess að prófa eða meta færni  í grænlensku hvort heldur sem annað tungumál eða erlent.