60 % íslendinga fá háskólagráðu
Nýlega kom út skýrsla OECD Education at a glance sem fjallar um tölfræði um menntun í aðildarríkjunum. Í skýrslunni er að finna upplýsingar um menntunarstig, framlög til menntunar, þátttöku í menntun, skipulag hennar, vinnutíma kennara og laun.
Í árlegri skýrslu OECD, Education at a glance, um þróun menntamála í aðildarríkjunum kemur fram að miðað við núverandi fjölda brautskráninga megi gera ráð fyrir að um 60% ungra Íslendinga muni ljúka háskólagráðu á lífsleiðinni.
Varðandi Íslendinga kemur fram í skýrslunni að hlutfall þjóðarinnar sem lokið hefur námi á háskólastigi vex og er nú um 35% í aldurshópnum 24-64 ára. Fleiri konur en karlar ljúka háskólanámi. Á aldrinum 24-34 ára hafa 44% kvenna lokið háskólanámi en 28% karla árið 2012.
Hlutfall þeirra sem útskrifast hafa úr framhaldsskóla hefur hækkað jafnt síðan um aldamótin og þétt í um 71% í aldurshópnum 25 til 64 ára. Sérstaklega hefur konum sem ljúka framhaldsskóla fjölgað en um 80% kvenna í aldurshópnum höfðu nú lokið framhaldsskólaprófi, samanborið við 65% í sama aldurshópi um aldamótin.
Verði þróunin óbreytt má vænta þess að 60% af yngri kynslóðinni ljúki háskólamenntun á lífsleiðinni. Hlutfallið er það hæsta innan OECD og það skýrist að hluta til vegna þess hve margir stundi háskólanám seinna á lífsleiðinni.
Engu að síður er hlutfall þeirra sem ljúka framhaldsskóla á skilgreindum námstíma lægst hér á landi. Sex árum frá innritun hafa aðeins 58% lokið framhaldsskóla, 62% kvenna og 52% karla.
Áhugaverð skýrsla – fyrir Íslendinga og OECD hefur einnig birt skýrslur frá hinum Norðurlöndunum.
Nánar:
OECD skýrslan á íslensku >>>
Country note Iceland (enska)>>>
OECD webb - Education at a Glance 2014>>>
Ritstjór:NVL Nordvux
Nánar um: livslang læring utdanningspolitikk