Norrænar brýr í ævinámi, ráðstefna í Reykjavík 10. og 11. júní 2014

 

Í framtíðarsýn fyrir Norðurlöndin felst varanleg velferð. Til þess að unnt verði að ná því takmarki verðum við öll að leggjast á eitt. Við verðum að byggja brýr á milli ólíkra aðila sem koma að námi fullorðinna, ráðgjöf, raunfærnimati, námi í atvinnulífinu og alþýðufræðslu. Örar samfélagslegar breytingar krefjast þess að við beitum nýjum aðferðum og tækni til þess að efla hugsun og bæta framkvæmd og byggja nýjar brýr. Taktu þátt í skapandi starfi – komdu á ráðstefnuna og vertu með í byggingu norrænna brúa í ævinámi.

 

Ráðstefnan fer fram á ensku og norrænu tungumálunum; dönsku, norsku og sænsku. Norrænir og evrópskir sérfræðingar munu fjalla um fjölbreytt málefni sem brenna á íbúum á Norðurlöndunum öllum. Hvernig geta fræðsluaðilar lagt sitt af mörkum við að efla færni sem nýtist á vinnumarkaði? Hvernig getum við unnið saman að því að viðhalda velferð? Hvernig nýtast rannsóknir í praxís? Hvernig hefur reynsla af ráðgjöf og raunfærnimati fyrir fullorðna haft áhrif á stefnumótun í löndunum? Þessar spurningar eru nokkrar af þeim sem við ætlum að leita svara við. 

Á ráðstefnunni verður beitt bæði hefðbundnum aðferðum og kennslufræði Bjarkar Biophilia til þess að koma á nýjum tengingum og samstarfi. Markmiðið er skapandi ráðstefna sem á erindi til þín hvort sem þú starfar í einkageiranum, hjá hinu opinbera, fræðsluaðilum, frjálsum félagasamtökum eða við rannsóknir. 

Nánari upplýsingar eru á slóðinni: www.nordvux.net/nordiske-broer-2014  

Frestur til að skrá þátttöku hefur verið framlengdur til 15. maí
Sjáumst í Hörpu 10.-11. júní!