Nær allir kennarar í finnskum skólum með réttindi

 

Yfir 95 prósent kennara í finnskum grunnskólum og 97 prósent kennara í framhaldsskólum á vorönn 2013 höfðu kennararéttindi. Í starfsmenntun og alþýðufræðslu var hlutfallið lægra.

 
Johannes Jansson/norden.org

Þessar upplýsingar koma fram í ritinu  Kennarar í Finnlandi 2013 ("Lärarna i Finland 2013"), sem byggir á tölum finnsku hagstofunnar um kennara. Auk upplýsinga um formlega menntun kennara eru tölur um þátttöku kennara í sí- og endurmenntun, þátttöku starfsmenntakennara í atvinnulífinu, framtíðarsýn fyrir kennarastarfið og samanburð á aðstæðum finnskra kennara á alþjóðavísu. Aðstæðum kennara sem kenna sænskumælandi nemendum er lýst sérstaklega í grein á sænsku. 
Ritið er á finnsku en nokkrar megingreinar hafa verið þýddar á sænsku og ensku.  

Nánar...
Ritið: Opettajat Suomessa 2013/Lärarna i Finland