26/09/2022

Norden

Fjarkennsla, Nám fanga

Nýr norrænn vinnuhópur á að skoða menntun ungs fólks í fangelsum

Norrænt net um fræðslu í fangelsum mun í haust koma á laggirnar vinnuhópi sem á að kanna hvernig hægt er að stuðla að því að flest af yngstu föngunum geti bæði hafið og lokið námi – með því að kanna hvernig hægt er að skapa aðstæður svo flest úr hópi yngri fanga geti staðið sig sem best í skóla í fangelsi.

Ny nordisk arbeidsgruppe skal se nærmere på utdanning for unge i fengsel

Nýr norrænn vinnuhópur á að skoða menntun ungs fólks í fangelsum

Þátttakendur í netinu telja að á Norðurlöndum verðum við að setja okkur markmið um að unglingar ljúki að minnsta kosti námi á framhaldsskólastigi og að allir nemendur eigi rétt á fræðslu og að þroskast óháð reynslu, þekkingu og þörfum. Þau sem eru í hópi ungra fanga hafa oftast litla menntun samanborið við aðra þegna, og slitrótt skólaganga og neikvæð reynsla af mikilvægum fræðsluvettvangi er reglan frekar en undantekningin. Mörg þeirra þróa andfélagslega hegðun í formi brotastarfsemi, stríða við margþættan vanda frá unga aldri, og eiga oft sögu af inngripum af hálfu hins opinbera. Að skapa kjöraðstæður svo flest í þessu hópi geti staðið sig sem best í skólanum hefur gríðarlega þýðingu, vegna þess að slitrótt skólaganga eykur líkur á áframhaldandi brotastarfsemi og jaðarsettu lífi. Menntun er líkast til sá einstaki þáttur sem hefur mest áhrif á félagslegan hreyfanleika. Þess vegna verður að sjá til þess að til staðar séu góð kerfi sem tryggja öllu ungu fólki tækifæri, ekki aðeins til að hefja nám heldur jafnframt að ljúka því.

Ungir fangar með takmarkaða færni

Sökum þess að margir ungir fangar hafa að loknum grunnskóla takmarkaða færni og hæfni – og í sumum tilfellum án þess að hafa lokið grunnskóla – mun fræðsla í grunnleikni og það að ljúka grunnskólanum vera þeim nauðsyn til þess að takast á við áframhaldandi nám. Án þess að ljúka námi á framhaldsskólastigi getur reynst örðugt að öðlast trygga stöðu á vinnumarkaði, sem vekur áhyggjur vegna þess að búast má við að atvinnuleysi meðal ungs fólks án menntunar aukist því að þau skortir hæfni til þess að standa sig í harðri samkeppni á vinnumarkaði í framtíðinni. Mikilvægi þess að ungt fólk afli sér hæfni með menntun mun þess vegna vaxa í framtíðinni.

Fræðsla á endurhæfingartímabilinu

Norrænt net um fræðslu í fangelsum á að stuðla að aukinni þekkingu á sviðinu til þess að styðja við fræðslu á endurhæfingartímabilinu. Yngstu fangarnir eru einkar brýnt viðfangsefni í þessu samhengi, og þess vegna hefur nýjum vinnuhópi, sem á að kanna hvernig hægt er að skapa kjöraðstæður svo flest í þessu hópi geti náð sem bestum árangri í skólanum í fangelsinu, verið komið á laggirnar. Þess er vænst að vinnuhópurinn stuðli að miðlun þekkingar og að vinnan muni leiða til áþreifanlegs árangur sem gagnast í raun. Ef til vill geta niðurstöður hópsins einnig leitt til áframhaldandi þróunar í hverju Norðurlanda fyrir sig.

Netið og vinnuhópurinn hittast á fjarfundi til skipulagningar í september og áætlað er að hópurinn hittist aftur í Malmey í nóvember, þar verður farið yfir verkefnið og umboð og svo hefjist vinnan þegar að fundinum loknum.

Tengiliður norræna netsins um fræðslu í fangelsum

Terje Røstvær,aðalráðgjafi hjá fylkisstjórninni í Vestur-Noregi
E: fmhoter@fylkesmannen.no

Flere nyheder fra NVL

Illustrasjon av en smilende mann som jobber på en bærbar datamaskin, mens en vennlig AI-assistent i hvit drakt med "AI" skrevet på hjelper ham. Bakgrunnen er en blå, abstrakt form.

04/02/2025

Norge

Forskningsrådet øker tilskuddet med ytterligere 300 millioner kroner til forskning på kunstig intelligens (KI).

A group of people gathered around a table in a cozy café, smiling for a group photo. The café has warm wooden decor and festive holiday accents.

30/01/2025

Island

Following the project “Voices of young immigrants – inclusion in education, work and society”, which was part of the Icelandic presidency of the Nordic Council of Ministers in 2023, the work on paving the way for more inclusive communities continues.

To personer giver hånd hen over et bord med en kontrakt og en pen, der ligger på en clipboard.

29/01/2025

Norge

Norjan osaamisuudistuskomitea luovutti 14. tammikuuta 2025 mietinnön siitä, miten elinikäinen oppiminen työelämässä voidaan toteuttaa onnistuneesti. Komitea suosittelee muun muassa työelämässä oppimisen kolmikantayhteistyön vahvistamista sekä elinikäisen oppimisen mahdollisuuksien kokoamista yhdelle verkkoalustalle.

Share This