Að sögn Ola Borten Moe rannsókna- og menntamálaráðherra mun ríkisstjórnin í Noregi kanna hvort ekki megi veita fagháskólunum aukin tækifæri til þess að koma á laggirnar námi án þess að þurfa að fara með umsóknir í gegnum núverandi skrifræðisferli. Ríkisstjórnin stefnir að því að leggja fram tillögu um bætt kerfi í umsagnarferli sumarið 2023.
Samkvæmt núverandi skipulagi er það NOKUT, Landsstofnun um gæði menntunar, sem samþykkir námsframboð starfsmenntaskólanna. Eftir mikilli fjölgun verknámsnema á síðasta ári og námstilboðum hefur umsóknir um samþykki fjölgað og málsmeðferð lengst.
–Við viljum að rótgrónir fagháskólar verði færir um að tryggja gæði og koma af stað nýjum námsleiðum á þess að þær þurfi að fara í gegnum ytra samþykkisferli, svokallaða stofnanaviðurkenningu. Þetta dregur úr skrifræði og veitir starfsmenntaskólunum aukin sveigjanleika til þess að koma á laggirnar námi þvert á fleiri fagsvið, segir Borten Moe.
Ný tilkynning til Stórþingsins um starfsmenntaskóla
Verknámsnemum hefur fjölgað um tæp 70 prósent frá 2018 til 2021 en þá voru rúmlega 28 þúsund nemendur skráðir. Á þessu ári hefur um 20 milljónum norskra króna verið varið til 500 nýrra nemaplássa og 52 milljónum norskra króna hefur meðal annars verið ráðstafað til að þróa nýtt nám í starfsmenntun. Engu að síður hefur færniþörfum atvinnulífsins enn ekki verið mætt.
Samkvæmt færnimælingum NHO skortir einkum fólk með starfsmenntun innan byggingar-, iðnaðar- og upplýsingatækni, sem og innan heilbrigðis-, hjúkrunar- og umönnunarstétta.
Gert er ráð fyrir að stafræn umbreyting, öldrun íbúanna og græna breytingin leiði til enn meiri eftirspurnar eftir námi á fagháskólastigi í framtíðinni. Ráðherrann telur að þörf sé fyrir umræður um hvernig fagháskólarnir geti leikið enn mikilvægara hlutverk við að mæta þörfum atvinnulífsins fyrir menntun í framtíðinni.
Til þess að afla uppfærðrar þekkingar um hvernig háskólamenntun geti á sem bestan hátt lagt sitt af mörkum mun menntamálaráðuneytið hefjast við nýja tilkynningu til Stórþingsins um háskólanám. Leggja á hana fyrir Stórþingið í síðasta lagi vorið 2025.
Nánar hér