Ríkisstjórnin hefur gert víðtæka sátt um endurbætur á menntakerfinu sem tryggir umtalsverða fjárfestingu í menntakerfinu um ókomin ár og innleiðir á þann hátt nýjar áherslur fyrir ríkisstjórnina.
Fyrir háskólanám þýðir það meðal annars að komið verður á nýrri styttri meistaragráðu sem tekur 1¼ námsár (75 ECTS) auk nýs og sveigjanlegs viðskiptameistaranáms þar sem nemandi stundar nám samhliða vinnu. Gert er ráð fyrir að árið 2028 hefji 10% nemenda nám í styttra meistaranámi og 10% í sveigjanlegu námi. Aukafjármagni verður veitt til háskólanna vegna námsins í formi varanlegrar forgangsröðunar sem nemur u.þ.b. 1 milljarði danskra króna. Fleiri tækifæri skapast til sí- og framhaldsmenntunar að styttra meistaranámi loknu, þar sem ætlunin er að koma á auknum sveigjanleika og sterkari tengingu við atvinnulífið.
Auk náms á háskólastigi er verið að fjárfesta verulega í öðrum námsleiðum með það fyrir augum að efla sérstaklega gæði og aðgengi að fagmenntun og verkmenntun. Til að bæta verkmenntun verða framlög aukin um 300 milljónir danskra króna hvert ár á bilinu 2025-2028, um 330 milljónir danskra króna árið 2029 og um 400 milljónir danskra króna árlega frá og með 2030.
Nánar um samkomulagið hér.