Fullorðnu fólki sem vill sækja nám síðar í lífinu fjölgar. En hvorki tækifærin til náms né fjármögnunarleiðir fylgja þeirri þróun. Í Finnlandi hefur ríkisútvarpið Yle nýlega varpað ljósi á málið í langri grein.
Meðal þeirra sem vísað var í í greininni er prófessor Ria Heilä-Ylikallio við Åbo Akademíuna. Hún telur að Finnar ættu að fylgja hugmynd um fjarkennslu á hálfum hraða eins og gert er í Svíþjóð. En í finnska mennta- og menningarmálaráðuneytinu hugsa menn öðruvísi. Hingað til hefur fjármögnunarlíkan þar byggt á því að nemendur útskrifist sem fyrst.
Flytja í stað fjarnáms
Ein þeirra sem verður illa úti er Alexandra Ekholm sem starfar sem leiðbeinandi í skóla og býr í dreifbýli. Hún leggur til að háskólarnir ættu að koma á laggirnar fjárnámi fyrir leiðbeinendur úti á landi sem vilja afla sér kennsluréttinda.
Anna Slotte er eldri lektor við menntavísindasvið háskólans í Helsinki. Að hennar áliti olli heimsfaraldurinn því að margir stúdentar telja sjálfsagt að hægt sé að stunda fjarnám.
– En oftast er það þannig að vilji maður leggja stund á eitthvað sérnám verður maður að flytja, segir hún.
Í báðum háskólum er viðurkennt að fjarnám hafi orðið mun betra sökum heimsfaraldursins. Við Åbo Akademíuna er verið að þróa blandað nám fyrir leikskólakennara.
Margir skólar í Finnlandi taka þátt í digivision, stafrænni framtíðarsýn sem eflir stafrænt nám sem fjarnám.
Ný þáttaröð um fullorðna í námi
Árið 2023 mun NVL birta greinaröð sem varpar ljósi á hvernig það er að læra á fullorðinsárum. Þegar hefur verið birt grein sem fjallar um um +40 konur í Finnlandi sem leggja stund á nám í lögfræði.
Í annarri grein er umfjöllun um stjórnanda stórs byggingarfélags sem er í hálfu námið við einstakt nám á meistarastigi sem þeir hafa sjálfir tekið þátt í að þróa byggingu loftlagsvænna (s klimasmart) timburhúsa.